കുഴല്‍പ്പണം തട്ടിയെടുത്ത് മുങ്ങിയ എസ്.ഐ.യും പോലീസുകാരനും അറസ്റ്റില്‍

മട്ടന്നൂര്‍ : കുഴല്‍പ്പണം കൊണ്ടുപോകുകയായിരുന്നയാളില്‍നിന്ന് പണം തട്ടിപ്പറിച്ച് മുങ്ങിയ എസ്.ഐ.യും പോലീസുകാരനും കൂട്ടാളിയും അറസ്റ്റില്‍. കുടിയാന്‍മല സ്റ്റേഷനിലെ ഗ്രേഡ് എസ്.ഐ. തില്ലങ്കേരി സ്വദേശി ഗോപാലന്‍ (50), കണ്ണൂര്‍ എസ്.പി.യുടെ ഡ്രൈവര്‍ ഷാരോണ്‍ (31) എന്നിവരെയാണ് മട്ടന്നൂര്‍ സി.ഐ. കെ.വി.വേണുഗോപാലും സംഘവും അറസ്റ്റ്‌ചെയ്തത്. കുഴല്‍പ്പണം കടത്തിയ കൊടുവള്ളി സ്വദേശി കൊടുവടമാക്കീല്‍ ഹൗസില്‍ മുനീറി(40)നെയും അറസ്റ്റുചെയ്തു.

എസ്.ഐ. ഗോപാലനൊപ്പം തട്ടിപ്പറിക്ക് കൂട്ടുനിന്ന തില്ലങ്കേരിയിലെ മരമില്ല് തൊഴിലാളി കാരക്കുന്നിലെ രജീഷ്, കാരക്കുന്നിലെ വിജേഷ് എന്നിവരെ രാത്രി പോലീസ് കസ്റ്റഡിയിലെടത്തു. തില്ലങ്കേരിയില്‍ മരമില്ല് നടത്തുന്ന ഒരാള്‍ക്കുകൂടി സംഭവത്തില്‍ പങ്കുള്ളതായി സംശയിക്കുന്നു.

ചൊവ്വാഴ്ച ഉച്ചയ്ക്കാണ് സംഭവം. കുഴല്‍പ്പണം ഇടപാട് നടത്തുന്ന മുനീറിനെ കൂത്തുപറമ്പ് മുതല്‍ ബസ്സില്‍ എസ്.ഐ. മഫ്തിയില്‍ പിന്തുടര്‍ന്നു. കൂത്തുപറമ്പ്-മട്ടന്നൂര്‍ റൂട്ടില്‍ നെല്ലൂന്നി സ്റ്റോപ്പിലിറങ്ങിയപ്പോള്‍ എസ്.ഐ. ഗോപാലന്‍ മുനീറിനെ പിടിച്ചുനിര്‍ത്തി പരിശോധിച്ചു. പോലീസാണെന്നുപറഞ്ഞ് 2,85,000 രൂപ മുനീറില്‍നിന്ന് പിടിച്ചെടുത്തു. ഇതിനിടയില്‍ ബഹളംകേട്ട് ആളുകള്‍ തടിച്ചുകൂടിയതോടെ പിന്നാലെയെത്തിയ കാറില്‍ കയറി എസ്.ഐ. രക്ഷപ്പെട്ടു. കാറിലെത്തിയ പോലീസ്‌ഡ്രൈവറെയും മുനീറിനെയും ജനം തടഞ്ഞുവെച്ച് മട്ടന്നൂര്‍ പോലീസിന് കൈമാറി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Mattannur, Police, S.I, Arrested