ഡോ.റെജിന മെമ്മോറിയല്‍ ട്രസ്റ്റ് ഉദ്ഘാടനം ചെയ്തു

പടന്നക്കാട് : അര്‍ബുദ രോഗ നിയന്ത്രണത്തിനായി കോളേജ് അധ്യാപികയും ഗവേഷകയുമായിരുന്ന ഡോ. എ ജെ റെജിനയുടെ സ്മരണയില്‍ അടുത്ത ബന്ധുക്കളും സുഹൃത്തുക്കളും ചേര്‍ന്നാരംഭിച്ച ഡോ. എ ജെ റെജിന മെമ്മോറിയല്‍ ചാരിറ്റബിള്‍ ട്രസ്റ്റിന്റെ ഉദ്ഘാടനം പടന്നക്കാട് നെഹ്‌റുകോളേജില്‍ കേന്ദ്രസര്‍വ്വകലാശാല വൈസ് ചാന്‍സലര്‍ ഡോ. ജാന്‍സി ജെയിംസ് നിര്‍വ്വഹിച്ചു. 

പ്രിന്‍സിപ്പാള്‍ ഡോ. എ മുരളീധരന്‍ അധ്യക്ഷത വഹിച്ചു. ഡോ. കെ നസീമ റെജിന അനുസ്മരണം നടത്തി. കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ അബ്ദുല്‍ മജീദ് ചെമ്പരിക്ക, കെ രാമനാഥന്‍, റവ.ഫാദര്‍ മാത്യു കോണിക്കല്‍, ഡോ. വി ഗംഗാധരന്‍, ഡോ. എം മുരളീധരന്‍ നമ്പ്യാര്‍, എം ശ്രീലേഖ, നന്ദകുമാര്‍ കോറോത്ത്, ബേബി ചന്ദ്രിക, രാഘവന്‍ കുളങ്ങര, പി തേജസ് എന്നിവര്‍ സംസാരിച്ചു.

ശ്രദ്ധിച്ചാല്‍ അര്‍ബുത ഒരു സാധാരണ രോഗം എന്ന ട്രസ്റ്റ് സന്ദേശം പനത്തടി മെഡിക്കല്‍ ഓഫീസര്‍ ഡോ. വി സുരേഷന്‍ അവതരിപ്പിച്ചു. ഡോ. ടിറ്റോ ജോസഫ് സ്വാഗതവും ശീതള്‍ അനുപമ ടിറ്റോ നന്ദിയും പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News