അവിഹിതബന്ധമുണ്ടെന്ന് ആരോപിച്ച് ഭാര്യയുടെ നെറ്റിയില്‍ അഞ്ചിഞ്ച് നീളമുള്ള ആണി അടിച്ചുകയറ്റി

ന്യൂഡല്‍ഹി: അവിഹിതബന്ധമുണ്ടെന്ന് ആരോപിച്ച് ഭര്‍ത്താവ് ഭാര്യയുടെ നെറ്റിയില്‍ അഞ്ചിഞ്ച് നീളമുള്ള ആണി അടിച്ചുകയറ്റി. തെക്കുകിഴക്കന്‍ ഡല്‍ഹിയിലെ സംഗം വിഹാറിലാണ് സംഭവം. സംഭവത്തില്‍ ഗുരുതരമായി പരിക്കേറ്റ യുവതി ഇപ്പോള്‍ കോമയിലാണ്.

വ്യാഴാഴ്ച രാത്രിയായിരുന്നു സംഭവം. അവിഹിത ബന്ധമുണ്ടെന്ന ഭര്‍ത്താവിന്റെ ആരോപണത്തെ തുടര്‍ന്ന് ഇരുവരും വഴിക്കിട്ടിരുന്നു. ഇതിനുശേഷം ഭര്‍ത്താവ് പപ്പു ഭാര്യയുടെ കൈകാലുകള്‍ കെട്ടിയിടുകയും അഞ്ച് ഇഞ്ച് നീളമുള്ള ആണി അടിച്ചുകയറ്റുകയുമായിരുന്നു.

തുടര്‍ന്ന് പുറത്തുനിന്നും വാതില്‍ പൂട്ടി പപ്പു രക്ഷപ്പെടുകയും ചെയ്തു. അടുത്തമുറിയില്‍ ഉറങ്ങുകയായിരുന്ന ഇവരുടെ മക്കളാണ് അമ്മയുടെ ദുരവസ്ഥ ആദ്യം കണ്ടത്. വാതില്‍ പുറത്തുനിന്നും പൂട്ടിയതിനാല്‍ മറ്റു മാര്‍ഗങ്ങളൊന്നും കാണാതെ രാത്രി മഴുവന്‍ കുട്ടികള്‍ മുറിക്കകത്തിരുന്നു കരയുകയായിരുന്നു. രാവിലെ വീട്ടുടമസ്ഥനാണ് കുട്ടികളുടെ കരച്ചില്‍കേട്ട് വാതില്‍ തുറന്ന് യുവതിയെ ആശുപത്രിയിലെത്തിച്ചത്. സംഭവശേഷം ഓടിപ്പോയ പപ്പുവിനെ ഉത്തര്‍പ്രദേശില്‍നിന്ന് അറസ്റ്റുചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Delhi, Husband, Attack