വീഗാലാന്‍ന്റില്‍ നിന്നും പരിക്കേറ്റ് ചികിത്സയില്‍ കഴിയുന്ന വിജയനെ പിണറായി സന്ദര്‍ശിച്ചു

തൃശൂര്‍: കൊച്ചൗസേപ്പ് ചിറ്റിലപ്പിള്ളിയുടെ ഉടമസ്ഥതയിലുള്ള കൊച്ചിയിലെ വീഗാലാന്‍ന്റില്‍ നിന്നും പരിക്കേറ്റ് പത്തുവര്‍ഷത്തിലധികമായി ചികിത്സയില്‍ കഴിയുന്ന വിജേഷ് വിജയനെ സിപിഎം സംസ്ഥാന സെക്രട്ടറി പിണറായി വിജയന്‍ സന്ദര്‍ശിച്ചു.

ബുധനാഴ്ച പകല്‍ മൂന്നരയോടെയാണ് പിണറായി വിജയന്‍ തൃശൂര്‍ കോട്ടപ്പുറത്തെ വിജേഷിന്റെ വീട്ടിലെത്തിയത്. അപകടത്തെക്കുറിച്ചും ചികിത്സയെക്കുറിച്ചുമെല്ലാം പിണറായി ചോദിച്ചറിഞ്ഞു.

കൊച്ചൗസേപ്പ് ചിറ്റിലപ്പിള്ളി സഹായം വാഗ്ദാനം ചെയ്ത് വഞ്ചിച്ചത് ഉള്‍പ്പെടെയുള്ള കാര്യങ്ങള്‍ വിജേഷ് പിണറായിയോട് വിശദീകരിച്ചു. പിണറായി എത്തുന്നതറിഞ്ഞ് ധാരാളം പേര്‍ വിജേഷിന്റെ വീട്ടിലെത്തിയിരുന്നു. എല്ലാവരുംകൂടി വിജേഷിന് ഊര്‍ജം നല്‍കണമെന്ന് കൂടിനിന്നവരോട് പിണറായി പറഞ്ഞു.

വിജേഷിന്റെ അച്ഛന്‍ വിജയന്‍, അമ്മ സരസ്വതി, സഹോദരന്‍ രജീഷ് എന്നിവരോടും പിണറായി കാര്യങ്ങള്‍ ചോദിച്ചറിഞ്ഞു. സിപിഎം ജില്ലാ സെക്രട്ടറി എ സി മൊയ്തീന്‍, സംസ്ഥാന കമ്മിറ്റിയംഗം എന്‍ ആര്‍ ബാലന്‍, ഏരിയ സെക്രട്ടറി പി കെ ഷാജന്‍ എന്നിവരും പിണറായിയോടൊപ്പമുണ്ടായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Pinarai, Vijesh Vijayan