സ്ഥാപിതമായത് മുതല്‍ നാല് പതിറ്റാണ്ടിലേറെ കാലം സഅദിയ്യുടെ പ്രസിഡന്റായി സേവനം ചെയ്ത താജുല്‍ ഉലമ സയ്യിദ് അബ്ദുറഹ്മാന്‍ അല്‍ ബുഖാരിയുടെ വിയോഗത്തിന്റെ സ്മരണകള്‍ അയവിറക്കി താജുല്‍ ഉലമാ നഗറിലാണ് സമ്മേളനം നടക്കുന്നത്. സിയാറത്തിന് സയ്യിദ് ഫസല്‍ കോയമ്മ തങ്ങള്‍ കുറാ നേതൃത്വം നല്‍കി.
സയ്യിദ് ഇമ്പിച്ചിക്കോയ തങ്ങള്‍ കൊയിലാണ്ടി, സയ്യിദ് ഇസ്മാഈല്‍ ഹാദി തങ്ങള്‍, സയ്യിദ് ഹാമിദ് കോയമ്മ തങ്ങള്‍ നടുവണ്ണൂര്‍, സയ്യിദ് അബ്ദുല്‍ റഹ്മാന്‍ മശ്ഹൂദ് തങ്ങള്‍ എട്ടിക്കുളം, സി പി കുഞ്ഞബ്ദുല്ല മുസ്ലിയാര് പഴയ കടപ്പുറം, സി അബ്ദുല്ല മുസ്ലിയാര് ഉപ്പള, ടി സി മുഹമ്മദ് കുഞ്ഞി ഹാജി, യൂസുഫ് ഹാജി പെരുമ്പ, ഉമര്‍ ഹാജി മട്ടന്നൂര്‍, ബേക്കല്‍ അഹ്ദമ് മുസ്ലിയാര്, സ്വാലിപ്ഹ സഅദി, അബ്ദുല്‍ ലത്വീഫ് സഅദി കൊട്ടില, സുലൈമാന്‍ മാസ്റ്റര്‍, പള്ളങ്കോട് അബ്ദുല്‍ ഖാദിര്‍ മദനി, അബ്ദുല്‍ റസാഖ് സഅദി, അബ്ദുല്‍ റസാഖ് ഹാജി മേല്‍പറമ്പ, അശ്‌റഫ് മന്ന, സുബൈര്‍ എയ്യള, നൗഷാദ് അഴിത്തല, അബ്ദുല്‍ റഹ്മാന്‍ ഹാജി മേല്‍പറമ്പ തുടങ്ങിയ പ്രമുഖര്‍ ചടങ്ങിന് എത്തിചേര്‍ന്നു.
തുടര്‍ന്ന് സഅദിയ്യ മസ്ജിദില്‍ ഉള്ളാള്‍ തങ്ങളുടെ പേരില്‍ നടന്ന ഖത്മുല്‍ ഖുര്‍ആന്‍ സംഗമത്തിന് സമസ്ത കേന്ദ്ര മുശാവറാംഗം എം. ആലിക്കുഞ്ഞി മുസ്ലിയാര് ഷിറിയ നേതൃത്വം നല്‍കി.
രണ്ട് മണിക്ക് തളങ്കര മാലിക് ദീനാര്‍, കീഴൂര്‍ സഈദ് മുസ്ലിയാര് എന്നിവിടങ്ങളിലെ സിയാറത്തിനു ശേഷം സഅദാബാദില്‍ സഅദിയ്യ സ്ഥാപകനായ കല്ലട്ര അബ്്ദുല്‍ ഖാദിര്‍ ഹാജിയുടെ ഖബര്‍ സിയാറത്ത് നടക്കും. സയ്യിദ് ഇബ്രാഹീം പൂക്കുഞ്ഞി തങ്ങള്‍ കല്ലക്കട്ട, സയ്യിദ് ഹസനുല്‍ അഹ്ദല്‍ തങ്ങള്‍, സയ്യിദ് കുഞ്ഞിക്കോയ തങ്ങള്‍ മുട്ടം നേതൃത്വം നല്‍കും.
4 മണിക്ക് സ്വാഗതസംഘം ചെയര്‍മാന്‍ സയ്യിദ് മുഹമ്മദ് ഉമറുല്‍ ഫാറൂഖ് അല്‍ബുഖാരി തങ്ങള്‍ പതാക ഉയര്‍ത്തും. വൈകീട്ട് 4.30ന് താജുല്‍ ഉലമ അനുസ്മരണ സമ്മേളനം സയ്യിദ് ഹാമിദ് കോയമ്മ തങ്ങള്‍ മാട്ടൂലിന്റെ പ്രാര്‍ത്ഥനയോടെ ആരംഭിക്കും. സയ്യിദ് കെ എസ് ആറ്റക്കോയ തങ്ങള്‍ കുമ്പോലിന്റെ അധ്യക്ഷതയില്‍ കര്‍ണ്ണാടക വഖ്ഫ് ന്യൂനപക്ഷ മന്ത്രി ഖമറുല്‍ ഇസ്‌ലാം ഉദ്ഘാടനം ചെയ്യും. കെ. പി ഹുസൈന്‍ സഅദി അനുസ്മരണ പ്രഭാഷണം നടത്തും.
മുന്‍ കേന്ദ്ര മന്ത്രി സി എം ഇബ്‌റാഹീം , കോഴിക്കോട് യൂണിവേഴ്‌സിറ്റി രജിസ്ട്രാര്‍ ഡോ. അബ്ദുല്‍ മജീദ്, മൗലാനാ മുഫ്തി മുഹമ്മദലി ഖാസി ബാംഗ്ലൂര്‍, മുഹമ്മദ് കുഞ്ഞി സഖാഫി കൊല്ലം, സയ്യിദ് ഇമ്പിച്ചിക്കോയ തങ്ങള്‍ കൊയിലാണ്ടി, സയ്യിദ് അതാഉല്ലാഹ് തങ്ങള്‍ ഉദ്യാവരം, സയ്യിദ് അഹമ്മദ് മുഖ്താര്‍ തങ്ങള്‍ കുമ്പോല്‍, സയ്യിദ് ബാക്കിര്‍ തങ്ങള്‍, സയ്യിദ് ജലാലുദ്ധീന്‍ തങ്ങള്‍ ഉജിറ, അഹ്മദ് ബാവ മുസ്ലിയാര് ഉള്ളാള്‍, ഹാജി യു.എസ്. ഹംസ ഉള്ളാള്‍ തുങ്ങിയവര്‍ പ്രസംഗിക്കും.
വിവിധ പ്രസിദ്ദീകരണങ്ങളുടെപ്രകാശനം എം.എല്‍എ മാരായ കെ. കുഞ്ഞിരാമന്‍, എന്‍.എ നെല്ലിക്കുന്ന് , പി.ബി.അബ്ദു റസാഖ് മുഹ്‌യിദ്ദീന്‍ ബാവ, ഡോ. എന്‍.എ. മുഹമ്മദ് എന്നിവര്‍ നിര്‍വഹിക്കും. ക്യാപ്റ്റന്‍ ശരീഫ് കല്ലട്ര, ടി.സി.മുഹമ്മദ് കുഞ്ഞി ഹാജി, എന്‍.എ.അബൂബക്കര്‍ ഹാജി, പി.ബി. അഹമ്മദ് ഹാജി, മുക്രി ഇബാഹീം ഹാജി, ടി.ഇ.അബ്ദുല്ല തുടങ്ങിയവര്‍ ആദ്യ പ്രതി ഏറ്റ് വാങ്ങും. എ.കെ. അബ്ദുല്‍ ഹമീദ് സാഹിബ്, പി.എ. അഷ്‌റഫലി, അഡ്വ: സി.എച്ച്.കുഞ്ഞമ്പു, പാദൂര്‍ കുഞ്ഞാമു ഹാജി, എം.സി.ഖമറുദ്ധീന്‍, മുഹമ്മദലി ഹാജി സ്റ്റാര്‍ ഓഫ് ഏഷ്യ, തുടങ്ങിയവര്‍ സംബന്ധിക്കും. അബൂദാബി മുസഫ ഐ. സി. എഫ് കമ്മിറ്റി പ്രസിദ്ധികരിച്ച നൂറുല്‍ ഉലമാ എം. എ. അബ്്ദുല്‍ ഖാദിര്‍ മുസ്ലിയാര് നൂറ്റാണ്ടിന്റെ പ്രകാശം എന്ന പുസ്്തകം കാന്തപുരം എ. പി. അബൂബക്കര്‍ മുസ്്‌ലിയാര്‍ പ്രകാശനം ചെയ്യും.
സഅദിയ്യ: ഡോക്യുമെന്ററിയുടെ പ്രകാശനം പി. കരുണാകരന്‍ എം. പിയും, പുസ്തകോത്സവം ഉദ്ഘാടനം ജില്ലാ കലക്ടര്‍ മുഹമ്മദ് സഗീര്‍ ഐ.എ.എസ് നിര്‍വഹിക്കും.
വൈകിട്ട് 7. മണിക്ക് ജലാലിയ്യ ദിക്ര്‍ഹല്‍ഖ ദുആ സമ്മേളനത്തോടെ സമ്മേളനത്തിലെ പ്രഥമ ദിനത്തിലെ പരിപാടികള്‍ സമാപിക്കും. ഡോ. ശുഐബ് ആലിം സാഹിബ് കീളക്കരയുടെ പ്രാര്‍ഥനയോടെ ആരംഭിക്കും. സയ്യദ് കെ. എസ്. ആറ്റകോയ തങ്ങള്‍ കുമ്പോല്‍,സയ്യിദ് കെ എസ് ജഅ്ഫര്‍ സ്വാദിഖ് തങ്ങള്‍ കുമ്പോല്‍, സയ്യിദ് സൈനുല്‍ ആബിദീന്‍ തങ്ങള്‍ കണ്ണവം, മൗലാനാ ഹുസൈനുല്‍ ഹഖ് യു പി നേതൃത്വം നല്‍കും. സയ്യിദ് മുഹമ്മദ് ഉമറുല്‍ ഫാറൂഖ് അല്‍ ബുഖാരി ഉദ്‌ബോധനം നടത്തും. സയ്യിദ് ഫസല്‍ കോയമ്മ തങ്ങള്‍ കുറാ സമാപന പ്രാര്‍ത്ഥനക്കു നേതൃത്വം നല്‍കും.
ഞായറാഴ്ച വൈകീട്ട് നടക്കുന്ന സമാപന മഹസമ്മേളനത്തോടെ സഅദിയ്യ നാല്പത്തിനാലാം വാര്‍ഷിക ആഘോഷങ്ങള്‍ക്ക് തിരശ്ശീല വീഴും.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment