മൊബൈല്‍ മോഷ്ടിച്ചെന്ന് ആരോപിച്ച് അപമാനിച്ചതില്‍ മനംനൊന്ത് ഡിഗ്രി വിദ്യാര്‍ത്ഥിനി ആത്മഹത്യയ്ക്ക് ശ്രമിച്ചു

ഉദുമ: കോളേജില്‍ വെച്ച് മൊബൈല്‍ ഫോണ്‍ മോഷ്ടിച്ചെന്ന് സുഹൃത്തുക്കള്‍ ആരോപിച്ചതില്‍ മനം നൊന്ത് ആത്മഹത്യയ്ക്ക് ശ്രമിച്ച ഡിഗ്രി വിദ്യാര്‍ത്ഥിനിയെ ഗുരുതരാവസ്ഥയില്‍ മംഗലാപുരെത്ത സ്വകാര്യ ആശുപത്രിയില്‍ പ്രവേശിപ്പിച്ചു.

പാലക്കുന്നിനടുത്ത ഒരു വുമന്‍സ് കോളേജിലെ വിദ്യാര്‍ത്ഥിനിയുടെ മൊബൈല്‍ ഫോണ്‍ ക്ലാസ്സില്‍ വെച്ച് കഴിഞ്ഞ ദിവസം നഷ്ടപ്പെട്ടിരിന്നു. മൊബൈല്‍ വിദ്യാര്‍ത്ഥിനി മോഷ്ടിച്ചതെന്ന് ആരോപിച്ച് സഹപാഠികള്‍ വിദ്യാര്‍ത്ഥിനിയെ അപമാനിച്ചതായി പറയപ്പെടുന്നു. ഇതിന്റെ മനോവിഷമത്തില്‍ വീട്ടിലെത്തിയ വിദ്യാര്‍ത്ഥിനി ബുധനാഴ്ച വൈകുന്നേരം 7 മണിയോടെ തൂങ്ങി മരിക്കാന്‍ ശ്രമിക്കുകയായിരുന്നു. 

ആത്മഹത്യശ്രമം ശ്രദ്ധയില്‍പ്പെട്ട വീട്ടുകാര്‍ ഉടന്‍ ഉദുമയിലെ ആശുപത്രിയിലെത്തിക്കുകയായും ഗുരുതരാവസ്ഥയിലായ വിദ്യാര്‍ത്ഥിനിയെ മംഗലാപുരത്തേക്ക് മാററുകയായിരുന്നു. മംഗലാപുരത്തെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ കഴിയുന്ന വിദ്യാര്‍ത്ഥിനി അപകട നില തരണം ചെയ്തിട്ടില്ല.

സംഭവത്തെ ബേക്കല്‍ പോലീസ് അന്വേഷണം ആരംഭിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News