മുസ്ലിം ലീഗ് നേതാവ് ചെമ്മനാട്ടെ ബി.എസ്.അബ്ദുല്ല നിര്യാതനായി

ചെമ്മനാട്: മുസ്‌ലിം ലീഗ് നേതാവും മത- സാമൂഹ്യ - സാംസ്‌കാരിക രംഗത്തെ നിറസാന്നിദ്ധ്യവുമായ ചെമ്മനാട് വടക്കുംഭാഗത്തെ ബി.എസ്.അബ്ദുല്ല (73) നിര്യാതനായി. 

മുസ്‌ലിംലീഗ് കാസര്‍കോട് ജില്ലാ കൗണ്‍സില്‍ അംഗം, അവിഭക്ത കാസര്‍കോട് താലൂക്ക് യൂത്ത്‌ലീഗ് കമ്മിറ്റി പ്രസിഡണ്ട്, ഉദുമ മണ്ഡലം മുസ്‌ലിം ലീഗ് വൈസ് പ്രസിഡണ്ട്, ട്രഷറര്‍, ചെമ്മനാട് പഞ്ചായത്ത് മുസ്‌ലിംലീഗ് വൈസ് പ്രസിഡണ്ട്, ചെമ്മനാട് ജമാഅത്ത് കമ്മിറ്റി വൈസ് പ്രസിഡണ്ട്, പുതിയ പള്ളി മഹല്‍ കമ്മിറ്റി വൈസ് പ്രസിഡണ്ട്, ചെമ്മനാട് ശാഖാ മുസ്‌ലിം ലീഗ് പ്രസിഡണ്ട്, മുസ്‌ലിം സാധു സംരക്ഷണ സംഘം സെക്രട്ടറി, ചെമ്മനാട് ജമാഅത്ത് ഹയര്‍സെക്കണ്ടറി സ്‌കൂള്‍ പി.ടി.എ. പ്രസിഡണ്ട്, ജി.യു.പി.സ്‌കൂള്‍ പി.ടി.എ.പ്രസിഡണ്ട്, മുര്‍ശിദുല്‍ അനാം സംഘം സ്വലാത്ത് കമ്മിറ്റി പ്രസിഡണ്ട് എന്നീ നിലകളില്‍ പ്രവര്‍ത്തിച്ചിരുന്നു. 

ദേളി ജാമിഅ സഅദിയ്യ അറബിയ്യയുടെ പ്രവര്‍ത്തനങ്ങളിലും ഒരു കാലത്ത് സജീവമായിരുന്നു. ഭാര്യ: ഖദീജ. മക്കള്‍: റാഫി (വ്യാപാരി), നൗഷാദ്, ജമീല, സുഹ്‌റ. മരുമക്കള്‍: റിട്ട. പ്രൊഫ. മുഹമ്മദ്കുഞ്ഞി, അബൂബക്കര്‍, ഫൗസിയ, റുക്‌സാന. സഹോദരങ്ങള്‍: ദൈനബി, മറിയുമ്മ, ജമീല, പരേതനായ സഹീദ്.

മുസ്‌ലിം ലീഗ് സംസ്ഥാന വൈസ് പ്രസിഡണ്ട് സി.ടി.അഹമ്മദലി, ജില്ലാ ജനറല്‍ സെക്രട്ടറി എം.സി. ഖമറുദ്ദീന്‍, ട്രഷറര്‍ എ.അബ്ദുല്‍ റഹ്മാന്‍, വൈസ് പ്രസിഡണ്ടുമാരായ കല്ലട്ര മാഹിന്‍ ഹാജി, എ.ഹമീദ് ഹാജി, സെക്രട്ടറി കെ.ഇ.എ. ബക്കര്‍, യൂത്ത്‌ലീഗ് സംസ്ഥാന വൈസ് പ്രസിഡണ്ട് അബ്ദുല്ലക്കുഞ്ഞി ചെര്‍ക്കള, ജില്ലാ ജനറല്‍ സെക്രട്ടറി എ.കെ.എം.അഷ്‌റഫ് തുടങ്ങിയവര്‍ വസതിയിലെത്തി അനുശോചിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News