ആലപ്പുഴ മണ്ണഞ്ചേരി ആറാം വാര്ഡില് കോപ്പുഴ സ്വദേശി ആരിഫ പ്ലസ്ടു വിദ്യാര്ത്ഥിയായ മകന് അന്സാരി എന്നിവര്ക്കാണ് മര്ദ്ദനമേറ്റത്. അതിര്ത്തിയില് നിന്ന മരം മുറിച്ചതുമായി ബന്ധപ്പെട്ട് അയല്വാസി നല്കിയ പരാതിയെ കുറിച്ച് അന്വേഷിക്കാനാണ് ഇവരെ സ്റ്റേഷനിലേക്ക് വിളിപ്പിച്ചത്.
സ്റ്റേഷന്റെ വാതില് മറഞ്ഞ് നിന്ന ആരിഫയെ ഒരു പൊലീസുകാരന് തളളി മാറ്റി. ഇത് അന്സാരി ചോദ്യം ചെയ്തതിനാണ് മര്ദ്ദനം. സ്റ്റേഷന്റെ ജനല് കമ്പിയില് വിലങ്ങ് കൊണ്ട് ബന്ധിച്ച ശേഷമായിരുന്നു മര്ദ്ദനം. നാട്ടുകാര് സംഘടിച്ച് സ്റ്റേഷന് ഉപരോധിച്ചതോടെയാണ് സംഭവം പുറംലോകം അറിഞ്ഞത്. പൊലീസിനെ കയ്യേറ്റം ചെയ്തതിനും പൊലീസ് മര്ദ്ദിച്ചതിനും രണ്ട് വ്യത്യസ്ത കേസുകള് എടുക്കുമെന്നായിരുന്നു പൊലീസിന്റെ ആദ്യ നിലപാട്.
എന്നാല് നാട്ടുകാര് പ്രതിഷേധിച്ചതിനെ തുടര്ന്ന് അന്സാരിക്ക് എതിരെ കേസ് എടുക്കില്ലെന്ന് സി.ഐ അറിയിച്ചു. മര്ദ്ദനത്തെ തുടര്ന്ന് അന്സാരി സ്റ്റേഷനില് കുഴഞ്ഞുവീണു. തുടര്ന്ന് ഇയാളെ മുഹമ്മ കമ്മ്യൂണിറ്റി മെഡിക്കല് സെന്ററില് പ്രവേശിപ്പിച്ചു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment