ഭീകരരൂപം നേരില്‍കണ്ടു ഭയന്നവര്‍ പറയുന്നതിങ്ങനെ : രാത്രിയില്‍ കറന്റു പോകുന്ന സമയത്താണ് ഭീകരരൂപം പ്രത്യക്ഷപ്പെടുന്നത്. വീടിനു പുറത്തിറങ്ങുന്ന സമയത്ത് രൂപത്തെ കണ്ടു പലരും ഭയന്നു നിലവിളിച്ചിട്ടുണ്ട്. കഴിഞ്ഞദിവസം ഒരു സ്ത്രീ ബോധരഹിതയായി താഴെ വീണു. ധൈര്യം സംഭരിച്ചു ചിലര്‍ അടുത്തു ചെന്നെങ്കിലും ഉച്ചത്തില്‍ അലര്‍ച്ചയുണ്ടാക്കിയതോടെ ഇവരും ഭയന്നോടി. ഭീകരരൂപത്തെ കണ്ടു ഭയന്നു കഴിഞ്ഞദിവസം ബൈക്കുയാത്രികന്‍ റോഡില്‍ തെറിച്ചുവീണു പരിക്കേറ്റിരുന്നു. അതേസമയം പ്രദേശത്തെ മയക്കുമരുന്നുലോബിയാണ് ഭീകരരൂപത്തിന്റെ അണിയറശില്‍പ്പികളെന്നാണ് നാട്ടുകാരില്‍ ചിലര്‍ പറയുന്നത്.
പ്രദേശത്തെ മയക്കുമരുന്ന് ലോബിക്കെതിരേ നാട്ടുകാര്‍ രംഗത്തുവരികയും സ്ക്വാഡ് പ്രവര്‍ത്തനം തുടങ്ങുകയും ചെയ്തിരുന്നു. ഇതിനു തടയിടാന്‍ മയക്കുമരുന്നു ലോബിയിലുള്ളവര്‍ തന്നെയാണ് ഭീകരരൂപം ചമയുന്നതെന്നാണ് നാട്ടുകാര്‍ സംശയിക്കുന്നത്. എന്നാല്‍ സംഭവം അഭ്യൂഹം മാത്രമാണെന്ന നിഗമനത്തിലാണ് പോലീസെങ്കിലും പ്രദേശത്ത് പട്രോളിംഗ് ശക്തമാക്കിയിട്ടുണ്ട്. എന്തായാലും ഭീകരരൂപത്തെ ഭയന്നു രാത്രികാലങ്ങളില്‍ വീടിനുപുറത്തിറങ്ങാന്‍ കഴിയാതെ ഭയന്നുകഴിയുകയാണ് പുത്തനങ്ങാടി നിവാസികള്‍.
No comments:
Post a Comment