പാലാ ഉള്ളനാട് സ്വദേശിയുടെ പരാതിയുടെ അടിസ്ഥാനത്തിലാണ് അറസ്റ്റ്. 2010 ഫെബ്രുവരിയില്‍ ഉള്ളനാട് സ്വദേശിയെ വിവാഹം ചെയ്ത അനീഷ്, ഉണ്ണിക്കൃഷ്ണന്‍ എന്ന പേരാണ് ഇവിടെ പറഞ്ഞിരുന്നതെന്നു പൊലീസ് പറഞ്ഞു.
ഈ പേരില്‍ വിവാഹ സര്‍ട്ടിഫിക്കറ്റും ഇയാള്‍ വാങ്ങിയെടുത്തിരുന്നു. ഈ ബന്ധത്തില്‍ ഒരു കുട്ടിയുമുണ്ട്. ആറുമാസം മുന്‍പാണ് ഇയാള്‍ ഉള്ളനാട് സ്വദേശിയായ മറ്റൊരു യുവതിയെ പരിചയപ്പെട്ടത്. നമ്പൂതിരി സമുദായാംഗമാണെന്നു പരിചയപ്പെടുത്തിയാണു യുവതിയുമായി അടുപ്പത്തിലായതത്രേ. കഴിഞ്ഞ ദിവസം ഏറ്റുമാനൂര്‍ മഹാദേവക്ഷേത്രത്തില്‍ എത്തി യുവതിയെ താലികെട്ടുകയും ചെയ്തു. ഞയറാഴ്ച ചോറ്റാനിക്കര ക്ഷേത്രത്തില്‍ വിവാഹം നടത്താനിരിക്കെ യുവതിയുടെ ബന്ധുക്കള്‍ക്കു സംശയം തോന്നിയതാണു വഴിത്തിരിവായത്.
വിവാഹത്തിന് അനീഷിന്റെ ബന്ധുക്കള്‍ എത്താതിരുന്നതും കൃത്യമായ വിലാസം പറയാന്‍ തയാറാകാതിരുന്നതുമാണു ബന്ധുക്കളെ സംശയത്തിലാക്കിയത്. തുടര്‍ന്നാണു പാലാ എസ്‌ഐ: കെ.പി. ടോംസന്റെ നേതൃത്വത്തില്‍ അറസ്റ്റ്. പ്രതിയെ റിമാന്‍ഡ് ചെയ്തു.
No comments:
Post a Comment