ഹൊസങ്കടിയില്‍ കടയുടമ കുത്തേറ്റു മരിച്ചു; പ്രതി പിടിയില്‍

മഞ്ചേശ്വരം: (www.malabarflash.com) മഞ്ചേശ്വരം ഹൊസങ്കടിയില്‍ കടയുടമ കുത്തേറ്റു മരിച്ചു. ഹൊസങ്കടിയില്‍ സുരേഷ് (50) ആണ് മരിച്ചത്. തിങ്കളാഴ്ച 3.30 മണിയോടെയാണ് സംഭവം. സുരേഷിനെ കുത്തിക്കൊലപ്പെടുത്തിയ മച്ചാപാടിയിലെ ഖലീലിനെ പോലീസ് കസ്റ്റഡിയിലെടുത്തിട്ടുണ്ട്.

ഹൊസങ്കടിയില്‍ വാച്ച് കട നടത്തുന്ന സുരേഷുമായി  കഴിഞ്ഞയാഴ്ച  ഖലീല്‍ വാക്കുതര്‍ക്കത്തിലേര്‍പ്പെട്ടിരുന്നു. ഇതിന്റെ തുടര്‍ച്ചയാണ് കൊലയെന്ന് പോലീസ് പറഞ്ഞു. കുത്തേറ്റ സുരേഷിനെ മംഗളൂരുവിലെ ഇന്ത്യാന ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

Keywords: Kasaragod, Kerala,  MalabarFlash, Malabar Vartha, Malabar News, Malayalam News