സുന്നി വിശ്വാസവും ആദര്‍ശവും കേന്ദ്രീകരിച്ച് പത്ത് വിഷയങ്ങളിലായി നിരവധി ചര്‍ച്ചകളാണ് സമ്മേളനത്തില്‍ നടന്നത്. വിവധ രാഷ്ട്രങ്ങളില്‍ നിന്നുള്ള മത പണ്ഡിതര്‍ പങ്കെടുത്തു. 'ആഹ്ലുസ്സുന്ന' എന്ന പ്രയോഗം യഥാര്‍ത്ഥ സുന്നികള്‍ അല്ലാത്തവര്‍ ഉപയോഗിക്കരുതെന്ന് സമ്മേളനം അന്താരാഷ്ട്ര സമൂഹത്തോട് ആവശ്യപ്പെട്ടു. ആഗോള തലത്തില്‍ സുന്നി വിശ്വാസികളെ തെറ്റിദ്ധരിക്കപ്പെടുന്ന രീതിയില്‍ ചില താല്‍പര കക്ഷികള്‍ സുന്നികള്‍ എന്ന് സ്വയം അവകാശപ്പെടുന്നത് അപലപനീയമാണ്. ഇസ്‌ലാം എന്നും തീവ്രവാദത്തെ ഫലപ്രദമായി പ്രതിരോധിച്ചിട്ടുണ്ട്. ഇന്ന് വിവിധ രാഷ്ട്രങ്ങളില്‍ ഇസ്ലാമിന്റെ പേരില്‍ നടക്കുന്ന കൊലകളുമായി വിശുദ്ധ മതത്തിനു യാതൊരു ബന്ധവും ഇല്ല. ഇസ്ലാമിന്റെ യഥാര്‍ത്ഥ സന്ദേശമായ സമാധാനമാണ് ആഹ്ലുസ്സുന്ന പ്രചരിപ്പിക്കുന്നത്. അത് കൊണ്ട് തന്നെ തീവ്രവാദം ഇസ്ലാമിന്റെ വഴിയല്ല.
ഇന്ത്യയില്‍ നിന്ന് സയ്യിദ് ഇബ്രാഹിം ഖലീലുല്‍ ബുഖാരി, ഡോ. അബ്ദുല്‍ ഹകീം അസ്ഹരി എന്നിവരും സമ്മേളനത്തില്‍ പങ്കെടുത്തു. ഡോ. ഉമര്‍ ബിന്‍ തൗഫീഖ് ബൂത്വി സിറിയ, ശൈഖ് മുഈസ് നഫ്തി ടുണീഷ്യ, ശൈഖ് മഹ്മൂദ് ഐനാന്‍ ഖത്തര്‍, ഡോ. മുഹമ്മദ് യഹിയ അല്‍ കതാനി ഈജിപ്ത്, ബ്രദര്‍ യഹിയ അമേരിക്ക, ശൈഖ് മുഹ് യുദ്ധീന്‍ ജീലാനി ഇന്തോനേഷ്യ തുടങ്ങിയവര്‍ പങ്കെടുത്തു.
Keywords: International News, MalabarFlash, Malabar Vartha, Malabar News, Malayalam News.
No comments:
Post a Comment