കരമന മരുതൂര്‍ക്കടവ് പാലത്തിനു സമീപമാണ് മൃതദേഹം കണ്ടെത്തിയത്. ശനിയാഴ്ച രാത്രിയാണ് സംഭവം. സിനിമയില്‍ തിളങ്ങണമെന്ന മോഹവുമായി നടന്ന പെണ്‍കുട്ടിയാണ് ശില്‍പയെന്നു നാട്ടുകാര്‍ പറഞ്ഞു. അതേസമയം, മരണത്തില്‍ ദുരൂഹതയുണ്ടെന്നാണ് പൊലീസിന്റെ പക്ഷം. പക്ഷേ, ആത്മഹത്യയാണോ കൊലപാതകമാണോ എന്നു വ്യക്തമാകുന്ന തെളിവില്ല. പെണ്‍കുട്ടിയെക്കുറിച്ചുള്ള കൂടുതല്‍ അന്വേഷണം പൊലീസ് നടത്തുന്നുണ്ടെങ്കിലും വിവരങ്ങള്‍ പുറത്തുവിട്ടിട്ടില്ല.
വെള്ളിയാഴ്ച ശില്‍പയം രണ്ടു കൂട്ടുകാരികളും പാപ്പനംകോട് ഒരു പരിപാടിയില്‍ പങ്കെടുത്തിരുന്നു. ഈ പരിപാടിയെക്കുറിച്ചും അതില്‍ പങ്കെടുത്തവരെക്കുറിച്ചും അന്വേഷണം നടത്തുന്നുണ്ട്.
മൂന്നു തമിഴ് സിനിമകള്‍ ഉള്‍പ്പെടെ ഒരുപിടി ചലച്ചിത്രങ്ങളിലും ഒട്ടേറെ ടിവി പരമ്പരകളിലും വേഷമിട്ട ശില്‍പ ഗൃഹസദസുകള്‍ക്കു പരിചിതയാണ്. ശില്‍പ അഭിനയിക്കുന്ന തമിഴ് ചിത്രം ചിറകിന്റെ ഷൂട്ടിങ് നടക്കുകയാണ്.
ബാലചന്ദ്രമേനോന്റെ പുതിയ സിനിമയിലാണ് അവസാനം അഭിനയിച്ചത്. ചന്ദനമഴ, പ്രണയം, സൗഭാഗ്യവതി, സംപ്രേഷണം ആരംഭിക്കാത്ത മേഘസന്ദേശം എന്നീ സീരിയലുകളിലും കഥാപാത്രമായി. സന്തോഷ് പണ്ഡിറ്റിന്റെ സിനിമയിലും കുറേ പരസ്യചിത്രങ്ങളിലും അഭിനയിച്ചു.
ഗായികയായതിനാല്‍ ഗാനമേളകള്‍ക്കും പോകാറുണ്ട്. കന്യാറുപാറയിലെ നിലംപൊത്താറായ സ്വന്തം വീടു നവീകരിക്കണമെന്നായിരുന്നു ശില്‍പയുടെ ആഗ്രഹം.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment