വൈദേശിക ശക്തികളില്‍ നിന്ന് സ്വാതന്ത്രം വാങ്ങിയതിന്റെ സ്മരണ പുതുക്കുന്ന ഈ സുദിനത്തില്‍ മതത്തിന്റെയോ ജാതിയുടെയോ അതിര്‍വരമ്പുകള്‍ ഇല്ലാതെ കൈകോര്‍ത്ത് മുന്നേറാന്‍ എല്ലാ വിഭാഗം ജനങ്ങള്‍ക്കും സാധിക്കണം.
കാരന്തൂര്‍ മര്‍കസ് സംഘടിപ്പിച്ച സ്വാതന്ത്ര്യദിനാഘോഷ പരിപാടിയില്‍ സന്ദേശപ്രഭാഷണം നടത്തുകയായിരുന്നു അദ്ദേഹം. രാജ്യസ്‌നേഹത്തിന്റെ ഭാഗമായാണ് കാശ്മീരില്‍ നിന്ന് വിദ്യാര്‍ത്ഥികളെ മര്‍കസില്‍ കൊണ്ടുവന്നതെന്നും സ്‌നേഹവും സൗഹാര്‍ദ്ദവും രാഷ്ട്രപുരോഗതിക്ക് ഊര്‍ജ്ജമാകണമെന്നും കാന്തപുരം പറഞ്ഞു.
കാശ്മീര്‍ വിദ്യാര്‍ത്ഥികള്‍ തയ്യാറാക്കിയ പാട്രിയോട്ടിസം മാഗസിന്‍ കാന്തപുരം എ.പി അബൂബക്കര്‍ മുസ്ലിയാര്‍ മര്‍കസ് ഹയര്‍ സെക്കണ്ടറി സ്‌കൂള്‍ പ്രിന്‍സിപ്പാള്‍ ജി.അബൂബക്കറിന് നല്‍കി പ്രകാശനം ചെയ്തു.
ദേശീയ പതാക ഉയര്‍ത്തല്‍ ചടങ്ങില്‍ കാന്തപുരം എ.പി അബൂബക്കര്‍ മുസ്ലിയാര്‍, സയ്യിദ് ജഅ്ഫര്‍ കോയ കുമ്പോല്‍, സി.മുഹമ്മദ് ഫൈസി, നിയാസ് മാസ്റ്റര്‍ ചോല, അമീര്‍ ഹസ്സന്‍, ഉനൈസ് മുഹമ്മദ്, യാസര്‍ അറഫാത്ത് നൂറാനി, റശീദ് പുന്നശ്ശേരി തുടങ്ങിയവര്‍ പങ്കെടുത്തു.
വിവിധ മര്‍കസ് സ്ഥാപനങ്ങളില്‍ നിന്നുള്ള അധ്യാപകരും വിദ്യാര്‍ത്ഥികളും സംബന്ധിച്ചു. കാശ്മീര്‍ വിദ്യാര്‍ത്ഥികളുടെ ഗാര്‍ഡ് ഓഫ് ഓണര്‍ പ്രോഗ്രാമും മധുര വിതരണവും നടന്നു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment