ജനറല്‍ ആശുപത്രിയില്‍ പ്രവേശിപ്പിച്ച സ്ത്രീക്കു സാരമായ പരുക്കുകളില്ല. ഒപ്പമുണ്ടായിരുന്നുവെന്നു സംശയിക്കുന്ന നാല്‍പത്തിയഞ്ചു വയസു തോന്നിക്കുന്ന പുരുഷനെ മദ്യലഹരിയില്‍ പരിസരത്തുനിന്നു നോര്‍ത്ത് പൊലീസ് കസ്റ്റഡിയിലെടുത്തിട്ടുണ്ട്. സംഭവത്തെക്കുറിച്ച് ഇരുവരില്‍ നിന്നു വിവരങ്ങളൊന്നും ലഭിച്ചിട്ടില്ല.
തേനി സ്വദേശിനി ഈശ്വരന്റെ ഭാര്യ ലക്ഷ്മിയാണിതെന്നു പൊലീസ് പറയുന്നു. ലക്ഷ്മിയും മദ്യലഹരിയിലായിരുന്നു. ഉപേക്ഷിച്ച നിലയില്‍ കണ്ട ചാക്ക് അനങ്ങുന്നതു കണ്ട വഴിയാത്രക്കാരാണ് ഉള്ളില്‍ ആളുണ്ടെന്നു കണ്ടെത്തിയത്. നെറ്റിയിലെ മുറിവില്‍ നിന്നു രക്തം വരുന്നതുകണ്ട നാട്ടുകാര്‍ പൊലീസിനെ വിവരമറിയിച്ചു. അബോധാവസ്ഥയിലായിരുന്ന ലക്ഷ്മിയെ പൊലീസ് ആശുപത്രിയിലേക്കു മാറ്റി. തീവ്രപരിചരണ വിഭാഗത്തില്‍ പ്രവേശിപ്പിച്ച ഇവരെ സ്‌കാനിങ്ങിനു വിധേയയാക്കി. മുഖത്തു ചെറിയ മുറിവുണ്ടെങ്കിലും സാരമുള്ളതല്ല. മറ്റു പരുക്കുകളില്ലെന്നു വ്യക്തമായതോടെ വാര്‍ഡിലേക്കു മാറ്റിയതായി ആശുപത്രി അധികൃതര്‍ അറിയിച്ചു.
ഡോക്ടര്‍മാര്‍ വിശ്രമം നിര്‍ദേശിച്ചതിനാല്‍ ശനിയാഴ്ച രാവിലെയേ മൊഴിയെടുക്കൂവെന്നു നോര്‍ത്ത് എസ്‌ഐ എസ്. സനല്‍ പറഞ്ഞു. പുരുഷനും തമിഴാണു സംസാരിക്കുന്നത്. ഇയാളെയും ആശുപത്രിയിലെത്തിച്ചു പരിശോധനയ്ക്കു വിധേയനാക്കി. പരസ്പര ബന്ധമില്ലാതെ സംസാരിക്കുന്ന ഇയാളെയും ശനിയാഴ്ച ചോദ്യം ചെയ്യാനാണു തീരുമാനം. കേസ് റജിസ്റ്റര്‍ ചെയ്തിട്ടുണ്ട്.
Keywords:Kerala News, Kerala Vartha, Malabarflash, Malabar news, Malayalam News
No comments:
Post a Comment