സംഭവത്തെക്കുറിച്ചു പൊലീസ് പറയുന്നത്: ആവോലി പഞ്ചായത്തിലെ ജീവനക്കാരനായ ജോര്‍ജിന്റെയും മൂവാറ്റുപുഴ മര്‍ച്ചന്റ് അസോസിയേഷന്‍ സഹകരണ സംഘത്തിലെ ജീവനക്കാരിയായ ഭാര്യ മേരിയുടെയും ഇരട്ടമക്കളായ അന്നയും ബ്രിജിത്തും മാത്രമാണു വീട്ടിലുണ്ടായിരുന്നത്. നിര്‍മല പബ്ലിക് സ്‌കൂളില്‍ പത്താം ക്ലാസ് വിദ്യാര്‍ഥിനികളായ ഇവര്‍ പഠിച്ചുകൊണ്ടിരിക്കുകയായിരുന്നു. ഉച്ചയ്ക്കു രണ്ടരയോടെ കോളിങ് ബെല്‍ കേട്ടാണ് അന്ന വാതില്‍ തുറന്നത്.
പുറത്ത് ആരെയും കണ്ടില്ല. തിരിച്ചുകയറുന്നതിനിടെ കസേരയുടെ മറവില്‍ ഒളിച്ചിരുന്ന മോഷ്ടാവിനെ കണ്ട് അന്ന ബഹളം വച്ചു. ഇതോടെ ഇയാള്‍ അന്നയെ കയറിപ്പിടിച്ചു വായ്‌പൊത്തി. തുടര്‍ന്നു സിറിഞ്ച് ഉപയോഗിച്ചു കയ്യില്‍ കുത്തി. ഇതോടെ ബോധം നഷ്ടപ്പെട്ട അന്നയുടെ കൈകള്‍ പ്ലാസ്റ്റര്‍ കൊണ്ടു കൂട്ടിക്കെട്ടി സമീപത്തുള്ള വാട്ടര്‍ ടാങ്കിലേക്കിടുകയായിരുന്നു. ശബ്ദം കേട്ട് ബ്രിജിത് ഓടിയെത്തിയപ്പോഴേക്കും മോഷ്ടാവ് സ്ഥലം വിട്ടു.
അന്നയെ അന്വേഷിച്ചുനടന്ന ബ്രിജിത് കുറേ കഴിഞ്ഞാണു വാട്ടര്‍ ടാങ്കിന്റെ മുകളിലേക്ക് അന്നയുടെ കൈ ഉയര്‍ന്നുനില്‍ക്കുന്നതു കണ്ടത്. ബ്രിജിത്തിന്റെ നിലവിളി കേട്ടു നാട്ടുകാര്‍ ഓടിയെത്തി അന്നയെ ടാങ്കില്‍ നിന്നു പുറത്തെടുത്തു. മണിക്കൂറുകളോളം അന്ന അബോധാവസ്ഥയിലായിരുന്നു. അക്രമി ഹിന്ദിയിലാണു സംസാരിച്ചതെന്ന് അന്ന പൊലീസിനോടു പറഞ്ഞു. രക്തപരിശോധനാ റിപ്പോര്‍ട്ട് ലഭിച്ച ശേഷമേ കയ്യില്‍ എന്തു മരുന്നാണു കുത്തിവച്ചതെന്നു പറയാന്‍ കഴിയൂ എന്ന് ആശുപത്രി അധികൃതര്‍ പറഞ്ഞു.
Keywords: Kottayam News, Kerala Vartha, Malabarflash, Malabar news, Malayalam News
No comments:
Post a Comment