കാലിഫോര്‍ണിയ സ്വദേശികളായ നൂറ തക്കിഷ് (22), മലാക്ക് അമ്മാരി(21) എന്നിവര്‍ക്കാണ് ട്രെംപ് അനുകൂലിയില്‍ നിന്നും മോശമായ അനുഭവമുണ്ടായത്. നഗരമധ്യേയുള്ള ഒരു ഐസ്‌ക്രീം പാര്‍ലറില്‍ കയറിയ യുവതികള്‍ക്കു നേരെ യുവാവ് കയര്‍ക്കുകയായിരുന്നു. ‘നിങ്ങളെ എന്റെ രാജ്യത്തിന് ആവശ്യമില്ലെന്നായിരുന്നു യുവാവിന്റെ പ്രതികരണം. മോശമായ വാക്കുകള്‍ ഉപയോഗിച്ച് ഇയാള്‍ യുവതികളെ ചീത്തവിളിക്കുകയും ചെയ്തു. കടയിലെ ജോലിക്കാരിയോടും യുവാവ് മോശമായി പെരുമാറി. യുവതികള്‍ക്ക് ഐസ്‌ക്രീം വിളമ്പിയ നിങ്ങള്‍ എനിക്ക് ഐസ്‌ക്രീം നല്‍കരുതെന്നായിരുന്നു യുവാവ് പറഞ്ഞത്. ഇയാളെ കടയിലെ ജീവനക്കാരി പുറത്താക്കുകയും ചെയ്തു. സംഭവത്തിന്റെ ദൃശ്യങ്ങള്‍ മലാക്ക് പകര്‍ത്തിയിരുന്നു. സോഷ്യല്‍ മീഡിയയില്‍ പോസ്റ്റു ചെയ്ത വീഡിയോ വളരെ വേഗത്തില്‍ വൈറലാകുകയും ചെയ്തു.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment