കാസര്കോട്: [www.malabarflash.com] മുട്ടത്തൊടി സഹകരണ ബാങ്കില് മുക്കുപ്പണ്ടങ്ങള് സ്വര്ണമെന്ന് തെറ്റിദ്ധരിപ്പിച്ച് പണയപ്പെടുത്തി നാല് കോടിയിലേറെ രൂപ വായ്പയെടുത്ത സംഭവത്തില് ഒരാള് കൂടി വലയില്. 25 ലക്ഷം രൂപ വായ്പയെടുത്ത ഇടപാടുകാരനെയാണ് ചോദ്യം ചെയ്തു വരുന്നത്. ഇന്ന് വൈകിട്ടോടെ അറസ്റ്റ് ഉണ്ടായേക്കും. കേസുമായി ബന്ധമുണ്ടെന്ന് സംശയിക്കുന്ന രണ്ട് പേരെ കൂടി പൊലീസ് ചോദ്യം ചെയ്തുവരുന്നുണ്ട്. ഇവരുടെ അക്കൗണ്ട് വിവരങ്ങള് പൊലീസ് പരിശോധിച്ച് വരികയാണ്. സമാനരീതിയില് മറ്റു ബാങ്കുകളിലും തട്ടിപ്പ് നടന്നിട്ടുണ്ടോയെന്നും അന്വേഷിക്കുന്നുണ്ട്. കേസ് ക്രൈംബ്രാഞ്ചിന് കൈമാറാനാണ് സാധ്യത. ബാങ്ക് അപ്രൈസര് നീലേശ്വരം പേരോലിലെ ടി.വി സത്യപാലന്(45), മുക്കുപണ്ടം പണയം വെച്ച സിറ്റിസണ് നഗര് കപ്പണയിലെ കെ.എ അബ്ദുല് മജീദ് (34), ഭീമനടിയിലെ ജയരാജന്(45) എന്നിവരെ കോടതി രണ്ടാഴ്ചത്തേക്ക് റിമാണ്ട് ചെയ്തു. സംഘത്തിന്റെ തലവന് ആരാണെന്നാണ് പൊലീസ് അന്വേഷിച്ച് വരുന്നത്.
No comments:
Post a Comment