തിരുവനന്തപുരം കണ്ണമ്മൂല സരസാലയത്തില്‍ വിനോദ് ഒ.നായര്‍ (32) ആണ് പിടിയിലായത്. കമ്പനിയിലെ പഴ്‌സനല്‍ മാനേജരുടെയും അക്കൗണ്ടന്റിന്റെയും ഒപ്പുകള്‍ വ്യാജമായി രേഖപ്പെടുത്തിയ ചെക്കുകള്‍ ഉപയോഗപ്പെടുത്തി കഴിഞ്ഞ മെയ് മാസം രണ്ടു ദിവസങ്ങളിലായിട്ടാണ് ഇയാള്‍ പണം തട്ടിയത്.
ആറു വര്‍ഷമായി എല്‍ ആന്‍ഡ് ടി യില്‍ അക്കൗണ്ട്‌സ് ഓഫിസറായ വിനോദ് കൊച്ചി മെട്രോയുടെ നിര്‍മാണം തുടങ്ങിയപ്പോള്‍ മുതല്‍ കൊച്ചിയിലാണ് ജോലി ചെയ്യുത്. പണം തട്ടിയെടുത്ത ശേഷം ഇയാള്‍ കൊളംബോയിലേക്കും അവിടെ നിന്നു ബാങ്കോക്കിലേക്കും പോയി. തിരികെ നേപ്പാള്‍ വഴി ഇന്ത്യയിലെത്തി.
എല്‍ ആന്‍ഡ് ടി നല്‍കിയ പരാതിയെത്തുടര്‍ന്ന് പോലീസ് ഇയാള്‍ക്കെതിരെ തിരച്ചില്‍ നോട്ടിസ് പുറപ്പെടുവിച്ചിരുന്നു. പോലീസ് തിരയുന്നുണ്ടെന്നു മനസ്സിലാക്കി ദുബായിലേക്കു രക്ഷപ്പെടാന്‍ ശ്രമിക്കവെ ബെംഗളൂരു വിമാനത്താവളത്തില്‍ അധികൃതര്‍ ഇയാളെ തടഞ്ഞു വയ്ക്കുകയായിരുന്നു. കളമശേരി സിഐ സി.ജെ.മാര്‍ട്ടിനും സംഘവും അവിടെയെത്തി ഇയാളെ അറസ്റ്റ് ചെയ്തു. വിനോദിനെ കോടതിയില്‍ ഹാജരാക്കി.
No comments:
Post a Comment