സംസ്ഥാനത്തെ ഏറ്റവും മികച്ച അധ്യാപകനുള്ള അവാര്ഡ് കരസ്ഥമാക്കിയിട്ടുള്ള ചന്ദ്രഗിരി സ്കൂളിലെ മുന് പ്രിന്സിപ്പല് മുഹമ്മദ് കുഞ്ഞി മാസ്റ്റര് പരിപാടി ഉദ്ഘാടനം ചെയ്തു. അധ്യാപകരെ ഷാളണിയിക്കുകയും സാക്ഷ്യപത്രമടങ്ങിയ ഫലകം അദ്ദേഹം വിതരണം ചെയ്യുകയും ചെയ്തു.
ചന്ദ്രഗിരി സ്കൂളിലെ മുന് അധ്യാപകനും കാസര്കോട് സിഐയുമായ അബ്ദുര് റഹീം ചെമ്മനാട് വിശിഷ്ടാതിഥി ആയി. സമൂഹത്തില് അരാജകത്വം സൃഷ്ടിക്കുന്ന കൂട്ടുകെട്ടുകളെ തിരിച്ചറിയുകയും അത്തരം കൂട്ടുകെട്ടുകളില് നിന്നും വിദ്യാര്ത്ഥികള് പരിപൂര്ണ്ണമായി ഒഴിഞ്ഞ് നില്ക്കണമെന്നും അദ്ദേഹം പറഞ്ഞു. പിടിഎ പ്രസിഡന്റ് ശരീഫ് ചെമ്പിരിക്ക അധ്യക്ഷത വഹിച്ചു. യുണൈറ്റഡ് കൈനോത്തിന്റെ അധ്യാപകര്ക്കുള്ള അധ്യാപകദിന ആശംസാകാര്ഡിന്റെ വിതരണോദ്ഘാടനം ഹെഡ്മാസ്റ്റര് ഇബ്രാഹിം മാസ്റ്റര് സുബ്രഹ്മണ്യന് മാസ്റ്റര്ക്ക് നല്കി നിര്വ്വഹിച്ചു.
തങ്ങളുടെ പഴയ സഹപ്രവര്ത്തകരെ കാണാന് സാധിച്ചതിന്റെ സന്തോഷം പങ്കുവെച്ച അധ്യാപകര് അതിന് വഴിയൊരുക്കിയ ക്ലബ്ബ് ഭാരവാഹികള്ക്ക് നന്ദി അറിയിച്ചു. ഓണത്തോടനുബന്ധിച്ച് ക്ലാസ് അടിസ്ഥാനത്തില് സംഘടിപ്പിച്ച പൂക്കള മത്സരത്തിന്റെയും മൈലാഞ്ചിയിടല് മത്സരത്തിന്റെയും വിജയികള്ക്കുള്ള യുണൈറ്റഡിന്റെ പാരിതോഷികം പിടിഎ പ്രസിഡന്റ് ശരീഫ് ചെമ്പിരിക്ക വിതരണം ചെയ്തു.
പുഷ്പ ടീച്ചര് (പ്രിന്സിപ്പാള്), തോമസ് കെ ടി (സ്റ്റാഫ് സെക്രട്ടറി), പിടിഎ എക്സിക്യൂട്ടീവ് മെമ്പര്മാരായ അബ്ദുര് റഹ് മാന് തുരുത്തി, അഷ്റഫ് കൈനോത്ത്, അബ്ദുര് റഹ് മാന് തോട്ടത്തില്, അബ്ദുല് ഖാദര് ചട്ടഞ്ചാല്, ഖാദര് മേല്പറമ്പ്, സലാം കൈനോത്ത്,വിജയൻമാഷ്,മുനീർ കെ സി ,സുബൈർ പളളിപ്പുറം,ആഷിക്(ഗ്രീൻസ്റ്റർ കൂവത്തൊട്ടി) തൻവീർ യൂണിവേഴ്സൽ, തുടങ്ങിയവര് സംസാരിച്ചു. ജോയിന്റ് സെക്രട്ടറി റിസ് വാന് ബി കെ സ്വാഗതവും യുഎഇ ട്രഷറര് ആശി ലാല നന്ദിയും പറഞ്ഞു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment