ഞായറാഴ്ച അർധരാത്രിക്ക് ശേഷമുണ്ടായ സംഘർഷത്തിലാണ് അഭിമന്യുവിന് കുത്തേറ്റത്. എസ്.എഫ്.ഐ ഇടുക്കി ജില്ലാ കമ്മിറ്റി അംഗമാണ് അഭിമന്യു.
ആക്രമണത്തിൽ കോളജിലെ രണ്ടാം വർഷ ഫിലോസഫി വിദ്യാർഥി കോട്ടയം സ്വദേശി അർജുനും (19) പരിക്കേറ്റിട്ടുണ്ട്. ഗുരുതര പരിക്കേറ്റ ഇയാളെ എറണാകളും മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ച് അടിയന്തിര ശസ്ത്രക്രിയക്ക് വിധേയനാക്കി. സംഭവവുമായി ബന്ധപ്പെട്ട് മൂന്ന് കാമ്പസ് പ്രഫണ്ട് പ്രവർത്തകരെ പോലീ സ് കസ്റ്റഡിയിൽ എടുത്തു.
ഞായറാഴ്ച വൈകീട്ട് പോസ്റ്ററൊട്ടിക്കുന്നതുമായി ബന്ധപ്പെട്ട് എസ്.എഫ്.ഐ - കാമ്പസ് ഫ്രണ്ട് പ്രവർത്തകർ തമ്മിൽ തർക്കമുണ്ടായിരുന്നു. ഇതാണ് കൊലപാതകത്തിൽ കലാശിച്ചതെന്നാണ് പ്രാഥമിക നിഗമനം.
കോട്ടയം സ്വദേശികളായ ബിലാൽ, ഫാറൂഖ്, ഫോർട്ട് കൊച്ചി സ്വദേശി റിയാസ് എന്നിവരാണ് പോലീസ് കസ്റ്റഡിയിലുള്ളത്. കൂടുതൽ പേർക്കായി അന്വേഷണം തുടങ്ങിയിട്ടുണ്ട്.
കൊലപാതകത്തെ തുടർന്ന് എസ്.എഫ്.ഐ സംസ്ഥാന വ്യാപകമായി പഠിപ്പ് മുടക്കിന് ആഹ്വാനം ചെയ്തു.
No comments:
Post a Comment