മാതൃദിനത്തിൽ ഇരട്ടക്കുട്ടികളുടെ അമ്മയായി ഇറോം ശർമിള

ബംഗളൂരു: പ്രമുഖ മനുഷ്യാവകാശ പ്രവർത്തക ഇറോം ശർമിള മാതൃദിനമായ മേയ്​ 12ന്​ അമ്മയായി. ബംഗളൂരുവിലെ സ്വകാര്യ ആശുപത്രിയിലാണ്​ 46കാരിയായ ശർമിള ഇരട്ടക്കുട്ടികൾക്ക്​ ജന്മം നൽകിയത്​. ഇരുവരും പെൺകുട്ടികളാണ്​.[www.malabarflash.com]

നിക്​സ്​ സാക്ഷി, ഓട്ടം താര എന്നിങ്ങനെയാണ്​ കുട്ടികളുടെ പേര്​. അമ്മയും കുഞ്ഞുങ്ങളും സുഖമായിരിക്കുന്നുവെന്ന്​ ആശുപത്രിയിലെ ഗൈനക്കോളജിസ്​റ്റ്​ ഡോ. ശ്രീപാദ വിനേകർ പറഞ്ഞു. ബ്രിട്ടീഷുകാരനായ ഭർത്താവ്​ ഡെസ്​മണ്ട്​ കൗടിനോ ശർമിളക്കൊപ്പമുണ്ട്​.

മാതൃദിനത്തിലെ പ്രസവം തികച്ചും ആകസ്​മികമാണെന്നും ശർമിളയും ഭർത്താവും ഇക്കാര്യം ഓർക്കുകപോലും ചെയ്​തിരുന്നില്ലെന്നും ഡോക്​ടർ കൂട്ടിച്ചേർത്തു.