തീവ്രവാദ സംഘടനകളുമായി ബന്ധമുണ്ടെന്ന് ആരോപിച്ച് കഴിഞ്ഞവര്ഷം ആഗസ്ത് 29-നാണ് ഇവരെ ക്രൈംബ്രാഞ്ച് പോലീസ് അറസ്റ്റു ചെയ്യുന്നത്. അറസ്റ്റു മുതല് ഇവര് നിരപരാധികളാണെന്നും രാജ്യത്തിനെതിരെ ഒന്നും ചെയ്യില്ലെന്നും ബന്ധുക്കള് വെളിപ്പെടുത്തിയിരുന്നു. കഴിഞ്ഞ ഡിസംബറിലാണ് കര്ണാടക പോലീസില് നിന്ന് അന്വേഷണം ദേശീയ അന്വേഷണ ഏജന്സി ഏറ്റെടുക്കുന്നത്. അറസ്റ്റിലായ പതിനൊന്ന് പേര്ക്കെതിരെ കഴിഞ്ഞദിവസം എന്.ഐ.എ. കോടതിയില് കുറ്റപത്രം സമര്പ്പിച്ചിരുന്നു. രണ്ട് പേര് നിരപരാധികളാണെന്ന് ദേശീയ അന്വേഷണ ഏജന്സി കണ്ടെത്തിയത് കര്ണാടക പോലീസിന് തിരിച്ചടിയായി. രാഷ്ട്രീയ, മത നേതാക്കളെയും മുതിര്ന്ന പത്രപ്രവര്ത്തകനേയും വധിക്കാന് ഗൂഢാലോചന നടത്തിയെന്നാരോപിച്ചാണ് പതിനഞ്ച് പേരെ പോലീസ് അറസ്റ്റു ചെയ്തത്.
No comments:
Post a Comment