ഉഹ്‌റു കെനിയാത്ത കെനിയയുടെ പ്രസിഡണ്ട്

നയ്‌റോബി: കെനിയയുടെ നാലാമതു പ്രസിഡണ്ടായി ഡെപ്യൂട്ടി പ്രധാനമന്ത്രി ഉഹ്‌റു കെനിയാത്ത തെരഞ്ഞെടുക്കപ്പെട്ടു. 50.07 ശതമാനം വോട്ടും എതിരാളി പ്രധാനമന്ത്രി റെയിലാ ഒഡിംഗോയ്ക്ക് 43.3 ശതമാനം വോട്ടും ലഭിച്ചു. അതേസമയം, വോട്ടെടുപ്പില്‍ ക്രമക്കേടു നടന്നെന്നും കോടതിയെ സമീപിക്കുമെന്നും റെയിലാ ഒഡിംഗോ അറിയിച്ചു. കെനിയയുടെ സ്ഥാപകനും ആദ്യ പ്രസിഡന്റുമായ ജോമോ കെനിയാത്തയുടെ മകനായ ഉഹ്‌റു കെനിയാത്ത 2007ലെ കാലാപത്തിന്റെ പേരില്‍ അന്തര്‍ദേശീയ ക്രിമിനല്‍ കോടതിയില്‍ കേസ് നേരിടുന്നയാളാണ്. സുഡാനുശേഷം രാജ്യാന്തര ക്രിമിനല്‍ കോടതിയില്‍ വിചാരണ നേടിരുന്ന പ്രസിഡന്റുള്ള ആഫ്രിക്കന്‍ രാജ്യമെന്ന ഖ്യാതിയും ഇതോടെ കെനിയയ്ക്കുണ്ടായി. കെനിയയിലെ ഏറ്റവും വലിയ സമ്പന്നന്‍കൂടിയാണ് ഇദ്ദേ­ഹം.