ചടങ്ങില്‍ ആശംസകള്‍ നേര്‍ന്ന ഇന്ത്യന്‍ അംബാസഡര്‍ സഞ്ജീവ് ആരോര, ഖത്തര്‍ ഭരണാധികാരികള്‍ കായിക രംഗത്തെ പ്രോത്സാഹിപ്പിക്കുന്നതിനെയും ദേശീയ കായികദിനാചരണത്തെയും മുക്തകണ്ഠം പ്രശംസിച്ചു. ഈ സംരംഭത്തിനോട് ഒപ്പംചേര്‍ന്ന കെ.എം.സി.സി. കോഴിക്കോട് ജില്ലാ കമ്മിറ്റിയുടെ ശ്രമങ്ങളെ അഭിനന്ദിച്ച അംബാസഡര്‍ ഈ ശ്രമങ്ങള്‍ മാതൃകാപരമാണെന്നും തുടര്‍ന്നും ഇത്തരം സംരംഭങ്ങള്‍ക്കും കെ.എം.സി.സി. യുടെ ജീവകാരുണ്യ പ്രവര്‍ത്തനങ്ങള്‍ക്കും പിന്തുണ അറിയിക്കുകയും ചെയ്തു.
ഖത്തര്‍ 2022 പ്രതിനിധി മുഹമ്മദ് അല്‍ രുമൈഹി ചടങ്ങിന് ആശംസകള്‍ നേര്‍ന്നു, സേവന്‍രത്‌ന പുരസ്‌കാരം നേടിയ കെ.എം.സി.സി. സ്‌പോര്‍ട്‌സ് വിങ് ചെയര്‍മാനും വ്യവസായ പ്രമുഖനുമായ കെ. മുഹമ്മദ് ഈസ്സയ്ക്ക് മന്ത്രി അബ്ദുറബ്ബ് കോഴിക്കോട് ജില്ലാ കെ.എം.സി.സി.യുടെ ഉപഹാരം കൈമാറി.
ജില്ലാ പ്രസിഡന്റ് പുത്തലത്ത് അമ്മദിന്റെ അധ്യക്ഷതയില്‍ , ജനറല്‍ സെക്രട്ടറി ജാഫര്‍തയ്യില്‍ സ്വാഗതവും ഖജാന്‍ജി മുസ്തഫ ടി. നന്ദിയും പറഞ്ഞു. കായികോത്സവം 2013 മുഖ്യ പ്രായോജകരായ അവതാര്‍ ഗോള്‍ഡ് ആന്‍ഡ് ഡയമണ്ട്‌സ് പ്രതിനിധിയും കെ.എം.സി.സി. നേതാവുമായ കുഞ്ഞഹമ്മദ് പേരാമ്പ്ര, അബ്ദുല്‍ റഹ്മാന്‍ രണ്ടത്താണി എം.എല്‍.എ., സംസ്ഥാന കെ.എം.സി.സി. പ്രസിഡന്റ് പി.എസ്.എച്ച്. തങ്ങള്‍, ജനറല്‍ സെക്രട്ടറി അബ്ദുല്‍ നാസര്‍ നാച്ചി, തയമ്പത്ത് കുഞ്ഞാലി, അന്‍വര്‍ ബാബു തുടങ്ങി സംസ്ഥാന, ജില്ലാ മണ്ഡലം കെ.എം.സി.സി. ഭാരവാഹികള്‍ പരിപാടികള്‍ക്ക് നേതൃത്വം നല്‍കി.
No comments:
Post a Comment