സോപ്പിലും ചോക്‌ലേറ്റിലുമായി 100 പവന്‍ കടത്തിയ മഞ്ചേശ്വരം സ്വദേശി പിടിയില്‍

മംഗലാപുരം: കഷ്ണങ്ങളാക്കി മുറിച്ച് സോപ്പിന്റെയും ചോക്‌ലേറ്റിന്റെയും ഉള്ളിലാക്കി 100 പവന്‍ സ്വര്‍ണം കടത്താന്‍ ശ്രമിച്ച കാസര്‍കോട് സ്വദേശി പിടിയിലായി. മഞ്ചേശ്വരം ബങ്കര മഞ്ചേശ്വരണ മേലങ്ങാടി വീട്ടില്‍ അബ്ദുള്‍ഗഫൂര്‍ (30) ആണ് മംഗലാപുരം കസ്റ്റംസിന്റെ പിടിയിലായത്.

ബുധനാഴ്ച രാവിലെ ദുബായില്‍നിന്നെത്തിയ എയര്‍ ഇന്ത്യാ വിമാനത്തിലാണ് ഇയാള്‍ മംഗലാപുരത്തെത്തിയത്. സംശയംതോന്നി പരിശോധിച്ചപ്പോഴാണ് സ്വര്‍ണം വെളിയില്‍വന്നത്. ലെക്‌സ്‌സോപ്പിന്റെയും അമേരിക്കന്‍ ഗാര്‍ഡന്‍ ചോക്ലേറ്റിന്റെയും ഉള്ളിലും ചോക്ലേറ്റ് സിറപ്പ് കുപ്പിയിലുമായാണ് സ്വര്‍ണം ഒളിപ്പിച്ചിരുന്നത്. 800.6 ഗ്രാം സ്വര്‍ണത്തിന് 24,09,806 രൂപ വിലവരും.

കസ്റ്റംസ് സൂപ്രണ്ട് ലെയണല്‍ ഫെര്‍ണാണ്ടസ്, സെന്തില്‍ തുടങ്ങിയവരുടെ നേതൃത്വത്തിലാണ് സ്വര്‍ണം പിടിച്ചത്. കോടതിയില്‍ ഹാജരാക്കിയ ഗഫൂറിനെ റിമാന്‍ഡ് ചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News