ഉദുമ: ബുധനാഴ്ച രാത്രി ഉദയമംഗലം ആറാട്ട് മഹോത്സവത്തിന്റെ ഭാഗമായി നടന്ന ഗാനമേള കഴിഞ്ഞ് മടങ്ങവേ ഉണ്ടായ വാക്ക് തര്ക്കത്തെ തുടര്ച്ചയായി മൂന്ന് വിഭാഗങ്ങളായി തിരിഞ്ഞ യുവാക്കള് പാലക്കുന്ന് ടൗണില് വ്യാഴാഴ്ച വൈകുന്നേരം ഏററുമുട്ടി. ഇതിനിടയില് ഒരാള്ക്ക് കുത്തേററു.
പാലക്കുന്ന് ആറാട്ടുകടവിലെ റോഡിലെ കറുവന്റെ മകന് അജിത്തി(28)നാണ് കുത്തേറ്റത്. പരിക്കേററ് അജിത്തിനെ ഉദുമയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും പരിക്ക് ഗുരുതരമായതിനാല് മംഗലാപുരത്തേക്ക് കൊണ്ടു പോയി.
വ്യാഴാഴ്ച വൈകുന്നേരം ആറാട്ടുകടവില് നിന്നെത്തിയ ഒരു സംഘം പാലക്കുന്നിലെ യുവാക്കളുമായി ഏററുമുട്ടി. ഇതറിഞ്ഞ് തെേക്കക്കരയില് നിന്നുമെത്തിയ ഒരു സംഘവും അക്രമത്തില് പങ്ക് ചേര്ന്നു.
ഇതിനിടയിലാണ് അജിത്തിന് കുത്തേററത്. അരമണിക്കൂറോളം പാലക്കുന്ന് ടൗണില് മൂന്ന് വിഭാഗങ്ങള് പരസ്പരം ഏററുമുട്ടുന്നുണ്ടായിരുന്നു. സംഭവമറിഞ്ഞ് ബേക്കല് പോലീസ് സ്ഥലത്തെത്തി ആള്ക്കുട്ടത്തെ വിരട്ടി ഓടിക്കുകയായിരുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Palakunnu, Clash
No comments:
Post a Comment