തര്‍പ്പണത്തിനും ദര്‍ശനത്തിനുമായി ജില്ലയ്ക്കകത്തും പുറത്തുനിന്നുമായി അരലക്ഷത്തോളം പേര്‍ ക്ഷേത്രത്തിലെത്തുമെന്നാണ് ദേവസ്വം അധികൃതര്‍ പറയുന്നത്. ദേവസ്വം അധികൃതരുടെ അപേക്ഷയില്‍ ജില്ലാ പൊലീസ് ചീഫിന്റെ നിര്‍ദേശപ്രകാരമാണ് തീരദേശ പൊലീസിന്റെ സേവനം ലഭ്യമാക്കിയത്. സിഐ, രണ്ട് എസ്‌ഐ, എഎസ്‌ഐ, എട്ടു സീനിയര്‍ സിവില്‍ പൊലീസ് ഓഫിസര്‍, 28 സിവില്‍ പൊലീസുകാരാണ് കാസര്‍കോട് തീരദേശ പൊലീസ് സ്‌റ്റേഷനിലുള്ളത്.
കടലിലകപ്പെടുന്നവര്‍ക്ക് രക്ഷപ്പെടാനുള്ള സാമഗ്രികള്‍ തീരദേശ പൊലീസ് നല്‍കും. കാസര്‍കോട് ജില്ലയില്‍ ഫിഷറീസ് വകുപ്പ് മുഖേന ഗോവയില്‍ വിദഗ്ധപരിശീലനം നേടിയ മൂന്നു
മല്‍സ്യത്തൊഴിലാളികളുണ്ട്. കടലില്‍ കുടുങ്ങുന്നവരുടെ ജീവന്‍ രക്ഷയ്ക്കായി തീരദേശ പൊലീസുള്‍പ്പെടെ ഇവരെയാണ് ആശ്രയിക്കുന്നത്. അഗ്നിശമന വിഭാഗത്തിലും കടലില്‍ ജീവന്‍ രക്ഷാപ്രവര്‍ത്തനത്തിന് വിദഗ്ധപരിശീലനം നേടിയവരില്ല. കടലിലെ ജീവന്‍ രക്ഷാപ്രവര്‍ത്തനം നേവിയുടെ ചുമതലയാണെന്ന നിലപാടിലാണ് അഗ്നിശമന സേന. ദുരന്തനിവാരണത്തിന്റെ ഭാഗമായി എല്ലാ സേനകളിലും പൊതുജനങ്ങളിലും വിദഗ്ധ പരിശീലനം ലഭ്യമാക്കണമെന്ന് സര്‍ക്കാര്‍ നിര്‍ദേശമുണ്ട്.
കാസര്‍കോട് ജില്ലയില്‍ കടലിലിറങ്ങി രക്ഷാപ്രവര്‍ത്തനം നടത്താന്‍ ഗോവയില്‍ പരിശീലനം നേടിയ മൂന്നു പേരുള്‍പ്പെടെ ഒന്‍പത് മല്‍സ്യത്തൊഴിലാളികളാണ് കടലിലെ ജീവന്‍ രക്ഷാസംഘമായുള്ളത്. അഴിത്തല സ്വദേശികളായ പി.മധു, വി.വി.സുധന്‍, മരക്കാപ്പ് കടപ്പുറം എം.കെ.ശശി തുടങ്ങിയവരാണ് ഇവര്‍.
Keywords: Kasargod, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News
No comments:
Post a Comment