ഒരു ക്രിസ്ത്യന്‍ ദേവാലയത്തിന്റെ ഭൂമി ഇടപാടുമായി ബന്ധപ്പെട്ട തര്‍ക്കത്തിനിടെയായിരുന്നു സംഭവം. പ്രതിഷേധക്കാര്‍ക്കിടയിലേക്ക് പ്രാദേശിക ഭൂമാഫിയ നേതാവിന്റെ ഭാര്യ ട്രാക്ടര്‍ ഓടിച്ച് എത്തുകയായിരുന്നു. അരയില്‍ കൈത്തോക്കും തിരുകിയായിരുന്നു വരവ്. സംഭവസ്ഥത്തുണ്ടായിരുന്ന സ്ത്രീകള്‍ അവരെ തടയാന്‍ ശ്രമിച്ചു. ചില സ്ത്രീകള്‍ വടികൊണ്ട് തല്ലാന്‍ ശ്രമിച്ചു. ചിലരാവട്ടെ മുട്ടയും വടിയും സ്ത്രീക്ക് നേരെയെറിഞ്ഞു. എന്നാല്‍ തടയാന്‍ ശ്രമിച്ചവരെയെല്ലാം ട്രാക്ടര്‍ കൊണ്ട് ഇടിച്ചു വീഴ്ത്തിയ സ്ത്രീ മണിക്കൂറുകളോളം നാട്ടുകാരെ ഭീതിയിലാഴ്ത്തി.
ഒടുവില്‍ പൊലീസ് എത്തി ഇവരെ അറസ്റ്റ് ചെയ്തു. ട്രാക്ടറിന്റെ ഇടികൊണ്ട് പരുക്കേറ്റ ഒരു സ്ത്രീയെ ആശുപത്രിയില്‍ പ്രവേശിപ്പിച്ചു. അതേസമയം, അറസ്റ്റ് ചെയ്ത സ്ത്രീയെ വിഐപി പരിഗണനയോടെയാണ് സ്‌റ്റേഷനിലേക്ക് കൊണ്ടുപോയതെന്ന് നാട്ടുകാര്‍ ആരോപിച്ചു. എഎന്‍ഐ വാര്‍ത്താ ഏജന്‍സിയാണ് ഈ ദൃശ്യങ്ങള്‍ പുറത്തുവിട്ടത്.
Keywords: National News, Malabarflash, Malabar news, Malayalam News
No comments:
Post a Comment