മൂന്നിന് പകല്‍ മൂന്നിന് ഉദുമ മണ്ഡലം കണ്‍വന്‍ഷന്‍ പൊയിനാച്ചി രാജധാനി ഓഡിറ്റോറിയത്തിലും കാസര്‍കാട് മണ്ഡലം കണ്‍വന്‍ഷന്‍ നാലിന് പകല്‍ മൂന്നിന് മുനിസിപ്പല്‍ ടൗണ്‍ഹാളിലും അഞ്ചിന് പകല്‍ മൂന്നിന് കാഞ്ഞങ്ങാട് കണ്‍വന്‍ഷന്‍ മുനിസിപ്പല്‍ ടൗണ്‍ഹാളിലും മഞ്ചേശ്വരം കണ്‍വന്‍ഷന്‍ ഉപ്പള മെട്രോ ഓഡിറ്റോറിയത്തിലും ചേരും.
ജില്ലയിലെ അഞ്ചില്‍ നാലു മണ്ഡലങ്ങളിലും സ്ഥാനാര്‍ഥികളെ പ്രഖ്യാപിച്ചതോടെ എല്‍ഡിഎഫ് പ്രവര്‍ത്തനം ഊര്‍ജിതമായി. സ്ഥാനാര്‍ഥികള്‍ വ്യാഴാഴ്ച രാവിലെ മുതല്‍ മണ്ഡലത്തിലെ വിവിധ ഭാഗങ്ങളിലെത്തി വോട്ടര്‍മാരെ കണ്ട് പിന്തുണ അഭ്യര്‍ഥിച്ചു.
മഞ്ചേശ്വരം സ്ഥാനാര്‍ഥി സി എച്ച് കുഞ്ഞമ്പു മംഗളൂരു ബിഷപ്പ് ഡോ. അലോഷ്യസ് പാവള ഡിസൂസയെ സന്ദര്‍ശിച്ചു. മണ്ഡലത്തിലെ ഒമ്പത് ചര്‍ച്ചുകളുടെ ചുമതല അദ്ദേഹത്തിനാണ്. മംഗല്‍പാടി പഞ്ചായത്തിലെ ബന്തിയോട്, ഇച്ചിലമ്പാടി, ഹേരൂര്‍, ഉപ്പള എന്നിവിടങ്ങളില്‍ വീടുകളിലെത്തി വോട്ടര്‍മാരെ കണ്ടു. വെള്ളിയാഴ്ച എന്‍മകജെ പഞ്ചായത്തില്‍ പര്യടനം നടത്തും.പ്രക്ഷോഭ സമരത്തില്‍ പങ്കെടുത്തതിന് പൊലീസ് രജിസ്റ്റര്‍ ചെയ്ത കേസുകളില്‍ രാവിലെ കാസര്‍കോട് മജിസ്‌ട്രേറ്റ് കോടതിയില്‍ ഹാജരായി ജാമ്യം തേടി.
കാഞ്ഞങ്ങാട് സ്ഥാനാര്‍ഥി ഇ ചന്ദ്രശേഖരന്‍ പ്രമുഖ സ്വാതന്ത്ര്യസമര സേനാനി കെ മാധവനെ സന്ദര്‍ശിച്ച ശേഷമാണ് പര്യടനം തുടങ്ങിയത്. ദുര്‍ഗാ ഹയര്‍സെക്കന്‍ഡറിയില്‍ നിന്ന് വിരമിക്കുന്ന അധ്യാപകര്‍ക്കുള്ള യാത്രയയപ്പ് യോഗത്തില്‍ പങ്കെടുത്തു. മടിക്കൈ എരിക്കുളം വേട്ടക്കൊരു മകന്‍ ക്ഷേത്ര ഒറ്റക്കോല മഹോത്സവ ചടങ്ങിനുമെത്തി. കോടോം ബേളൂര്‍ പഞ്ചായത്തിലെ അട്ടക്കണ്ടം ഗവ. യുപി സകൂള്‍, കാലിച്ചാനടുക്കം ഗവ. ഹൈസ്‌കൂള്‍, കോട്ടച്ചേരി ഗവ. എല്‍പി സ്‌കൂള്‍ വാര്‍ഷികാഘോഷങ്ങള്‍ ഉദ്ഘാടനം ചെയ്തു. ആലയി ദുര്‍ഗാ പരമേശ്വരി ക്ഷേത്ര ഉത്സവത്തിന്റെ ഭാഗമായുള്ള സാംസ്‌കാരിക സമ്മേളനം ഉദ്ഘാടനം ചെയ്തു.
ഉദുമ സ്ഥാനാര്‍ഥി കെ കുഞ്ഞിരാമന്‍ പെരിയ അംബേദ്കര്‍ കോളേജില്‍നിന്നാണ് പര്യടനം തുടങ്ങിയത്. ഉദുമ നാലാംവാതുക്കല്‍, ആറാട്ടുകടവ്, ബേക്കല്‍ എന്നിവിടങ്ങളില്‍ മരിച്ചവരുടെ വീടുകളിലെത്തി അനുശോചനം അറിയിച്ചു. പെരിയ പഞ്ചായത്തിലെ വിവിധ സ്ഥലങ്ങളില്‍ വോട്ടര്‍മാരെ വീടുകളില്‍ ചെന്ന് കണ്ടു. രാവിലെ കളക്ടറേറ്റ് മാര്‍ച്ചില്‍ പങ്കെടുത്തതിന് പൊലീസ് രജിസ്റ്റര്‍ ചെയ്ത കേസില്‍ കാസര്‍കോട് മജിസ്‌ട്രേറ്റ് കോടതിയില്‍ ഹാജരായി ജാമ്യം തേടി.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment